في هالزمن أقرب حبايبك يشقيك

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..

ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..

وأقسى من .. جروح الزمان .. العطايب !!

وإن كان تنشدني فأنا .. مقدر أخفيك ..

دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..

إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..

ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..

يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..

ولاتنشد اللي غاب .. وين أنت .. غايب ؟؟

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب !!

شكرا اخي الصراحه جميل
ياريت انك تزيد مشاركاتك
تحياتي ::منشئ المنتدى

مشكور اخي افكر فيك على النقل الرائع للقصيدة و الجميل نسأل الله لك الوفيق يا شيخ

يسلمو على الشعر الرائع


ربي يعطيك الف عافية



ننتظر جديدك